Vieiros

"Cremos que iso de sen ánimo de lucro é o mellor camiño para ofrecerlle un servizo de baixo custo a todos os veciños, ao tempo que se fornece dunha plataforma para a innovación como ningunha outra no país". Deste xeito defendía o alcalde de Boston, Thomas Menino, a decisión do seu equipo de goberno de que a ambiciosa rede sen fíos para a conexión a internet con alta velocidade que promoverá a cidade, estea xestionada por unha organización non lucrativa, no canto de cederlle o servizo a unha empresa privada. O concello cavila que precisará un investimento de até 20 millóns de euros, para garantirlle o acceso aos 4.5 millóns de cidadáns. A idea abre interesantes perspectivas sobre o futuro deste tivo de accesos. Poden ampliar en Wi-fi Planet e no debate sobre a propiedade pública das redes en Muniwireless.

• Anteriores: Wimax, a última menciña tecnolóxica contra a fenda dixital
• Rifa de xigantes por darlle internet de balde aos veciños de San Francisco