Vieiros

A segunda xornada da segunda proba da Copa do Mundo de piragüismo, que se celebrou esta fin de semana na cidade alemá de Duisburg, non aumentou a conta das medallas galegas. A parella que conforman Xosé Alfredo Bea e David Mascato volveu obter a mesma clasificación na distancia longa cá colleitada na xornada de onte nos 500: foron quintos na final B, cun tempo de 4'06"899, case catro segundos por riba do rexistro conseguido nas semifinais. Carlos Pérez Rial, que obtivo onte a prata nos 500, non competiu na distancia longa.

• Pérez Rial, prata na Copa do Mundo de Duisburg