Vieiros

Amnistía Internacional pide que a transferencia de calquera persoa detida a outro país "debe realizarse coas salvagardas axeitadas, incluída a supervisión xudicial e o uso de avións oficiais". Así, lémbranlle ao goberno estadounidense que se asegure que toda persoa baixo a súa custodia en calquera lugar do planeta "poida exercer o seu dereito a recibir asistencia letrada e a un proceso legal xusto e transparente".

Do mesmo xeito deben ser públicas "as identidade e o paradoiro das persoas recluídas en secreto e a súa situación legal". Ao tempo, piden que se poña el liberdade a todos os detidos "en lugares non revelados, agás que sexan acusados dalgún delito recoñecido internacionalmente e xulgados sen demora e con garantías".

Amnistía detectou que a Cia manipulou prácticas establecidas no ámbito da navegación aérea para non declarar os seus voos ás autoridades de aviación. O estudo da asociación ofrece detalle de datos, con ducias de aeroportos de todo o mundo, Europa incluída, de onde saíron e chegaron avións asociados a esas entregas extraordinarias e acompaña dunha lista de aeroliñas privadas con permiso para operar nas bases militares estadounidenses de todo o mundo.