Vieiros

Un total de 76 deputados, sobre 132 posíbeis, conseguiu Hamás, por 43 para Al Fatah, o partido do presidente da Autoridade Nacional Palestina, Abú Mazen. Antes de coñecerse oficialmente os resultados finais xa demitiran o primeiro ministro e o seu goberno para facilitar que Hamás forme un novo executivo. De momento Al Fatah rexeitou a oferta para formar un goberno de coalición. Mentres, diversos líderes, dede o secretario xeral das Nacións Unidas, Kofi Annan, até o representante da política exterior da UE, Javier Solana, e o propio presidente dos EUA, George W.Bush, realizaron declaracións públicas pedíndolle aos vencedores destes comicios dúas cousas: que renuncien á violencia armada e que recoñezan formalmente o Estado de Israel.