Vieiros

Malia que unha lei promulgada a finais dos anos 70 prohibiu a vixiancia de cidadáns se non hai orde xudicial, Bush asegurou que ten autoridade para ordear estas prácticas e teimou en que seguirá facéndoo. Aínda que en anteriores intervencións e preguntado ao respecto, o presidente USA recoñecera que o goberno non pode facer escoitas telefónicas sen permiso dun xuíz, argumenta agora que os permisos do Congreso para o uso de novas medidas de forza logo dos atentados do 11S autorizaríano a ordear esas prácticas.

Ao respecto, o vicepresidente Cheney insistiu no discurso do medo: "Non é un accidente que fosemos atacados en catro anos", subliñou, "eu creo nunha autoridade executiva con forza, poderosa e creo que o mundo onde vivimos require disto". Desde o propio bando republicano xa se escoitaron voces en contra desta actitude.

As novas da espionaxe ilegal, sen autorización xudicial, sobre cidadáns estadounidenses, axitou os pasados días a actualidade daquel país. As novidades sobre o control concreto que o FBI fixo sobre a actividade dun amplo número de colectivos pacifistas provoca o reaxir das críticas e ademais do bando demócrata, tamén algúns senadores republicanos se amosaron a prol de pedirlle explicacións ao goberno Bush sobre esas actividades.