Vieiros

O incremento de ofertas dos operadores de internet anunciando prezos cada vez máis baixos por velocidades de conexión cada vez maiores no ADSL é ben coñecido entre os usuarios da rede. Sen embargo, esta cantidade de ofertas non chega a todo o estado, e, na maioría das ocasións, fica só nos núcleos como Madrid e Barcelona. Se o estado chegaba en setembro ás 4.447.215 liñas de alta velocidade en internet, máis do 37% destas pertencen ás dúas cidades mencionadas. Mesmo nesas grandes cidades hai zonas de sombra deste sinal telefónico. En Galiza, 311 dos 315 concellos carecen da posibilidade de levar a banda larga a todo o seu territorio, quedando zonas rurais totalmente desprovistas de tal servizo.