Edición xeral
A Unesco declara a Allariz "reserva da biosfera"
Dúas ducias de novos lugares pasan a ser recoñecidos dende esta semana coma espazos da "rede mundial de reservas da biosfera", distinción que a Unesco lle concede a zonas con especiais características ecolóxicas e con destacados modelos de convivencia da actividade humana co medio natural. O contorno de Allariz, cos concellos próximos da Bola, Vilar de Santos e Rairiz de Veiga pasa a integrar a rede, da que xa formaban parte en Galiza as Terras do Miño.
Vintedous lugares en dezasete países, foron os escollidos esta semana pola mesa do Consello Internacional de Coordinación do bautizado "Programa Home e Biosfera". Son máis de 482 espazos en máis dun cento de países os que xa conforman esta rede mundial da Unesco.
As especiais características do ecosistema desta comarca ourensá, unida á súa gabada compatibilización de desenvolvemento económico con protección da biodiversidade, foron argumento a favor dunha decisión coa que a Unesco busca o recoñecemento a comunidades locais onde se teña detectado especial atención á integración dos cidadáns co medio natural.
Ligazóns
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto