Vieiros

Vieiros de meu Perfil


Canal Verde

Xestionado pola Federación Ecoloxista Galega e Vieiros
RSS de Canal Verde
APROVEITAMENTO HIDROELÉCTRICO INTEGRAL DA BACÍA DO ULLA

Veciños paralizaron a construción dun encoro de Unión Fenosa no río Ulla

Uns 100 veciños de Vila de Cruces, acompañados por membros de organizacións que promoven a iniciativa lexislativa popular en defensa dos ríos, paralizaron na tarde do 17 de xuño as obras do encoro de Touro, un dos dous que Unión Fenosa está a construír no río Ulla augas abaixo do encoro de Portodemouros. A protesta, que se desenvolveu sen incidentes, fíxose para demandar a execución da sentenza xudicial que anula as concesións a Unión Fenosa para desenvolver o seu proxecto de aproveitamento hidroeléctrico integral da bacía do Ulla.

- 17:29 22/06/2005
Tags:

As obras deste encoro e do de Brandariz, augas arriba, continuan malia a sentenza do Tribunal do Contencioso de Pontevedra que declarou nula a concesión a Unión Fenosa. O organismo autónomo Augas de Galicia, dependente da Consellería de Medio Ambiente, non procedeu a facer efectiva esta sentenza paralizando as obras e, o mesmo que Unión Fenosa, recorreu a sentenza.

Os veciños estiveron acompañados por algunhas das entidades que promoven a iniciativa lexislativa popular en defensa dos ríos, como a Federación Ecoloxista Galega (FEG), a Asociación para a Defensa Ecolóxica de Galiza (ADEGA), a Coordenadora Antiencoros do Ulla, Burla Negra e Erva-Ecoloxistas en Acción.

Para o venres 24 de xuño anunciouse a paralización das obras do encoro de Brandariz. Os veciños dixeron que proseguirán a súa loita "goberne quen goberne".


Ligazóns

5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: