Vieiros

'Rock en Costa' é o nome dun festival organizado por unha serie de grupos de rock que se constituíron e ensaian en Santiago, concretamente no barrio do Castiñeiriño, e que dende hai catro anos sacan os seus equipos do local de ensaio e organizan o festival coñecido como 'Chaparra Rock'. Este ano a data para desfrutar de balde das actuacións de The Homens (trío-pop que fai a súa presentación no festival), Pollegros, Samesugas, Redullos e Postmortem, é o 9 de xuño, no campo do Castiñeiriño e en vésperas das festas do barrio.