Vieiros

"Quero falarlles directamente aos homes e mulleres do Oglaigh na hEireann, os soldados voluntarios do Exército Republicano Irlandés". Así comezou Gerry Adams, o líder do Sinn Féin, o discurso no que lle pediu ao IRA que abandone os 35 anos de loita armada en Irlanda do Norte e "acepten de vez os vieiros da democracia". Adams cre que o IRA debe comezar un proceso de debate interno para avaliar a posibilidade de darlle apoio exclusivo ao Sinn Féin e abandonar a estratexia das armas. Con todo, Adams non lle pediu aos dirixentes do IRA o desarme total nin o desmantelamento, como esixen o goberno irlandés, o goberno británico e os EEUU.