Vieiros

O comisario xefe dos Tedax, Sánchez Manzano, asegurou que en ningún momento comunicaron que o explosivo utilizado nos atentados do 11-M fose Titadine, o que emprega ETA habitualmente. O comisario afirmou, perante a comisión parlamentaria que investiga o 11-M, que os primeiros restos do explosivo chegaron ás dependencias policiais ás 12:30 horas do día 11 de marzo e arredor das 14:00 horas tiveron os primeiros rersultados da análise. O daquela ministro do Interior, Ángel Acebes, mantivo durante todo o día 11 que o atentado era obra de ETA porque, segundo lle informara o subdirector operativo da policía, Jesús Díaz Pintado, o explosivo utilizado era Titadine.