Vieiros

Hai datos que confirman que Maiati, a quen a policía identifica coma suposto cerebro do atentado, estaba en Madrid tres días antes das explosións. A investigación conta coa colaboración das forzas de seguridade europeas e marroquís, e créese que alomenos un dos terroristas fuxidos estaría en Marrocos. Esta semana, a policía daquel país proporcionará as pegadas e ADN de Maiati para determinar se o seu rastro aparece no escenario dos atentados.

As testemuñas e as pistas atopadas pola policía científica confirmarían deica agora a implicación directa de catro dos detidos, sinalando especialmente o labor na preparación do atentado de Iamal Zougam. O ministerio confirma ademais que os implicados actuaban en células independentes entre si e con funcións moi concretas, aínda que caracterizadas por manteren vencellos familiares e comerciais. A investigación tería determinado ademais que o plan inicial era atentar en Italia, logo de descartar o Reino Unido polas estrictas medidas antiterroristas e que a proximidade das eleccións xerais tería decidido ao grupo a atentar finalmente en España.