Vieiros

A intención do atentado acontecido esta mañá en Madrid, era que as cargas explosivas dos trens estouparan no interior da estación de Atocha, segundo informa a Axencia Efe, citando fontes policiais. A policía comenta que as 13 mochilas contiñan en total uns 13 ou 15 quilos de explosivos, nos que se aprecia a mestura de titadine e nitroglicerina "típica de ETA". Se o tren de Téllez non levara un retraso de dous minutos, no interior do edificio ferroviario a carga explosiva multiplicaría o seu efecto e causaría o derrube do edificio, co que o número de vítimas sería aínda maior.