Vieiros

Logo da cantidade de romerías e festas que viviu Galicia na fin de semana pasada, tócalle o turno neste ciclo festeiro do verán aos festivais folc. E o certo é que vai ser difícil escoller: o Festival da Carballeira de Zas tráenos a Aghrú, Luar na Lubre e a Real Companhia, entre outros; o festival decano de Galicia, o de Pardiñas (Guitiriz) contará coa presencia dos irlandeses Dervish, A Quenlla, Caldaloba e Budiño; preto desta localidade temos o Lugnasad, primeiro encontro bretón, en Bretoña (Pastoriza). Seguimos en Santo Estevo de Ribas de Sil, onde a carón do mosteiro poderemos escoitar a sete grupos de Galicia, Asturias, Portugal e Escocia; e movéndonos cara ao Leste podemos achegarnos ata o Bierzo onde terá lugar o II Festival de Música Celta, con Abraxas, Leilía, Hevia, Camerata Meiga, Fía na Roca, Skanda e Reñubery... e ademais, Ponteceso, Nullán (Os Ancares), Viveiro, Quiroga e moitas máis localidades galegas contan nesta fin de semana con festivais ou concertos. A mágoa non poder estar en varios sitios ao mesmo tempo.