Edición xeral
Esíxenlle maior transparencia á Fundación Arao
A Coordinadora de Confrarías de Pescadores Danadas polo Prestige non está de acordo cos criterios que emprega a Fundación Arao para repartir os fondos das doazóns. En concreto, a Coordinadora manifestou “o seu fondo malestar e repulsa” ante o “dubidoso método de selección e financiación de proxectos”. A Fundación Arao rexeitou os últimos días o financiamento de catro proxectos para a recuperación e rexeneración dos ámbitos marítimo-territoriais pertencentes ás confrarías de Aldán-Hío, Cangas, O Grove e A Pobra do Caramiñal, todas elas integradas na coordinadora.
Para a coordinadora, todos estes proxectos “adáptanse perfectamente aos obxectivos e fins que, en teoría, debería perseguir a Fundación Arao”. Denuncian, porén, un trato preferente á Comisión de Confrarías, que agrupa aos pósitos que se mostraron menos críticos coa xestión do goberno e que aceptaron o decreto de adianto das indemnizacións.
A Coordinadora esixe á Fundación Arao que explique “cales son os criterios empregados para que os directamente afectados pola maior traxedia da nosa historia non se poidan beneficiar dos fondos entregados por numerosos doadores”.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto