Edición xeral
Privilexios petroleiros en Iraq
“Non me sorprendería que se comece a descubrir o programa de armas de Sadam”. Bush segue agardando que apareza o presunto armamento iraquí de destrucción masiva. E o grupo petroleiro Halliburton, dirixido ata hai tres anos polo vice de Bush, parece ser o escollido para a explotación dos pozos iraquís, ao tempo que se sabe que mantivo estes anos acordos con Irán, Libia e mesmo Iraq malia os embargos. Mentres, o diplomático Paul Bremer, foi escollido novo ‘vicerrei’ para Iraq e vén de coñecerse que pouco antes da guerra a familia de Sadam apañou mil millóns de dólares no Banco Central iraquí.
Paul Bremer será o novo encargado da administración civil da transición iraquí, por enriba do actual Jay Garner. O nomeamento, segundo a prensa USA, podería supoñer tamén o triunfo do sector Powell sobre o sector Rumsfeld na súa loita pola cota de poder na administración Bush.
Vén de saberse tamén que o contrato concedido a unha filial da empresa estadounidense Halliburton paraa extinción dos lumes nos pozos de petróleo iraquís, se vería extendido á explotación das instalacións e distribución de productos petrolíferos. O grupo Halliburton foi dirixido ata o 2000 polo vicepresidente USA Dick Cheney. Coñécese ademais esta semana que a empresa mantivo durante anos relacións comerciais con Libia, Irán e mesmo Iraq, malia os embargos decretados polo goberno USA contra estes países.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto