Vieiros

O “Iraq para os iraquís” prometido polo primeiro ministro británico parece estar lonxe do proxecto que os EEUU preparan para o país. A proposta de Blair para volver ao carreiro da legalidade internacional poñendo nas mans da ONU a reconstrucción política e material de Iraq non conta co apoio da administración Bush, que xa reparte as talladas da posguerra e prepara o equipo que tomará o mando do país. O conflicto de pareceres é centro das conversas dos dous líderes este martes en Irlanda do Norte. Coñécense mentres as xestións do goberno español para facerse con parte dos negocios da reconstrucción iraquí. E nos EEUU, a prensa cualifica de improbable a publicación do proxecto para a creación do Estado palestino, clave para a estabilidade da zona.