Vieiros

O agoiro dunha guerra prolongada, a suba dos prezos do petróleo, os cambaleos das bolsas, a confianza danada dos consumidores,... O director do Fondo Monetario Internacional, Horst Koehler, agoira con este escenario unha recesión económica global. Prognosticou un crecemento do 3% para o 2003 e subliñou a marxe de manobra que terían os bancos centrais para baixar os tipos de xuro. Mentres, a inestabilidade bolseira non lle afecta a un sector: a industria armamentística levanta do pozo no que se atopaba hai poucos meses e acada máximos históricos de cotización. O negocio da guerra ten cinco grandes nomes: General Dynamics, Northrop Grumman, Raytheon, Lockheed Martin e Boeing.