Vieiros

Algúns dos alumnos tiveron que camiñar máis dunha hora, pero a 'serpe multicolor' avanzou con bandeiras de Nunca Máis e pancartas realizadas polos propios alumnos con lemas relativos á manipulación dos medios de comunicación gobernamentais, á demisión dos responsables da catástrofe e reclamando a un plan de rexeneración do medio natural.

A Muxía, unha das localidades da Costa da Morte máis castigadas polo verquido, chegaron 32 autobuses con case 7.000 alumnos, que abrazaron todo o perímetro da península.

O treito que discorreu polo concello de Camariñas converteuse nun dos máis animados da cadea pola intervención de grupos de músicos e actores do colectivo Burla Negra e pola actitude dos rapaces, moitos deles disfrazados e con instrumentos musicais.

Ao longo da xornada non se produciu altercado algún, o que fala as claras da boa organización por parte de area Negra. Parabens para tod@s.