Vieiros

Segundo se recolle no novo acordo, Sogama comprometeuse a xestionar os residuos sólidos urbanos do concello de Vigo entregados na planta de transferencia de Guixar, mentres que a administración local farase cargo do transporte do lixo ata a empacadora cunha cantidade mínima estimada de 300 toneladas ó día. No suposto de que o desenrolo da implantación da recollida selectiva faga aconsellable a instalación dunha planta de clasificación de residuos de envases e embalaxes, Sogama comprometeuse a adquirir os terreos, construír e xestionar esta nova planta. O acordo inclúe coma diferencias substanciais con respecto ó convenio anterior, a supresión das cláusulas de penalización que se aplicaban no caso de que o concello non acadara a cantidade de 300 toneladas de lixo ou, sobrepasara as 500. Tamén, todos os materiais selectivos recollidos na denominada bolsa amarela teñen un custo nulo durante a vixencia deste convenio.