Vieiros

O BNG trata de que queden sen efecto as ordes dictadas pola Dirección Xeral de Rexistros e Notariado, que 'están na práctica a dificultar a adaptación ó galego, catalán e vasco dalgúns apelidos'.

Para o BNG, a regulamentación actual obriga os encargados dos distintos rexistros civís a acudir a uns procedementos que 'son precisamente os que se empregaban antes de que o Congreso aprobase en 1999, unha reforma da Lei de Rexistro Civil', en virtude da cal se podía obter a adaptación á forma galega dos apelidos cunha simple petición administrativa.

O BNG considerou que a acreditación da procedencia, ou non, da adaptación do apelido só é precisa cando 'a necesariedade da mesma non fose notoria', e polo tanto, avogou por que non se debe esixir, 'como actualmente acontece', con todos aqueles casos en que a deturpación da forma orixinaria é evidente.