Edición xeral
En defensa de Baldaio
A Asociación para a Defensa Ecolóxica de Galiza (ADEGA), o Grupo Naturalista Hábitat e a Sociedade Galega de Historia Natural (SGHN) presentaron alegacións ao Plano Xeral de Ordenamento Urbano (PXOU) de Carballo demandando a reducción da área reservada para infraestructuras turísticas no contorno do areal e marismas de Baldaio, unha das zonas húmidas máis valiosas do litoral galego.
Para os ambientalistas, o PXOU "supón unha clara vía libre á especulación urbanística da maior parte das terras colindantes co espazo natural de Baldaio, protexido actualmente pola Xunta de Galicia e incluído na proposta galega para formar parte da futura Rede Natura 2000".
ADEGA, Hábitat e a SGHN tamén están preocupados polo contido do plano de recuperación ambiental que está a elaborar a Dirección Xeral de Costas do Ministerio do Ambiente, xa que boa parte do seu orzamento iría destinado a aumentar as posibilidades de uso turístico de Baldaio, un espazo natural altamente valioso e sensíbel.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto