Vieiros

Vieiros de meu Perfil


Edición xeral

RSS de Edición xeral

Non haberá nova manifestación pola capitalidade

A defensa dos intereses de Pontevedra como capital de provincia divide ás diferentes asociacións veciñais e sociais da cidade e provocan o aparcamento definitivo dunha nova convocatoria de manifestación, similar á que o pasado 5 de xuño xuntou na cidade do Lérez a 50.000 persoas en defensa dos intereses da capital.

- 10:50 26/02/1999
Tags:

A proposta de convocar unha nova manifestación en Pontevedra para o vindeiro mes de marzo, en defensa da súa capitalidade e en protesta pola continúa perda de peso específico, provocou unha forte división no seo das diversas asociacións e colectivos da cidade. A manipulación política da proposta foi un dos argumentos esgrimidos para o seu rexeite, que puxo de manifesto a desunión existente no movemento asociativo pontevedrés. Foi a Federación `Castelao', impulsora da creación da Plataforma do 5-X, a que tivo a última palabra nesta cuestión. Foron moitos os colectivos que elevaron a súa voz, argumentando que o problema de fondo era de protagonismo, e non de defensa dos intereses dunha cidade. As asociacións pontevedresas dubidan agora que poida haber continuidade para calquera proposta realizada pola Plataforma, debido á forte perda de credibilidade con que conta entre a opinión pública. Pola súa banda, Manuel Abeledo, presidente da Deputación, ofreceu mil millóns de pesetas para eliminar ou abaratar a peaxe na Autopista A-9, entre Pontevedra e Vigo, por considera-lo un asunto de interese xeral. Abeledo asegura que é este investimento é necesario "para mellorar de xeito considerable as comunicacións da cidade".


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: