Vieiros

No transcurso da cea organizada pola Enxebre Orde do Percebe no Pazo de Congresos Juan Carlos I de Barcelona entregáronse os premios de xornalismo Galicia, única…diferente a aquelas persoas, entidades ou empresas destacadas na difusión da cultura galega no exterior a nivel estatal. O primeiro premio, cunha dotación económica de un millón de pesetas, foi para o xornalista lucense Fernando Ónega e o segundo para os programas da asociación ERGaC, recollido polo seu presidente Manuel Piñeiro.

Na cea, que chaman A gran noite de Galicia en Barcelona, asistiron, entre outras persoas, o presidente do Clube Deportivo da Coruña, Augusto César Lendoiro, o recén nomeado Ministro do Interior, Sr. Rajoy e foi retrasmitida en directo pola Radio Galega coa colaboración do locutor Luís Rial.

Ao premio optaban numerosos medios e, no caso da asociación ERGaC, valorouse o seu traballo xornalistico (na actualidade con cinco programas en directo e un voceiro escrito mensual) e a súa aportación á cultura na cidade de Barcelona coa organización da Semana de Galicia (Casa del Rellotge, 1995) e o ciclo de conferencias da Casa do Mar (1999) ademáis da publicación do libro Esa manía túa de…Vivir en Presente (1994) en homenaxe á finada compañeira Paquita Álvarez e o Curso radiofónico O galego nas ondas”(2001). Ao acto asistiron ademaís os directores do programas Aturuxos (Ana Belén Real) e Galiza… algo máis (Antón Fernández). Informa Cristina Neira.