Vieiros

O conselleiro de Cultura, Jesús Pérez Varela, vai inaugurar un monumento adicado aos peregrinos do Camiño de Santiago, que se ubicará na Porte de Hal na capital belga. A escultura pertence a Manuel Paz e está realizada en granito de Galicia, cunha dimensión de 6,5 metros de alto, 1,8 metros de ancho e 1,3 de longo. Trátase dun menhir dividido en tres partes que representa un lugar de encontro e punto de partida. A praza de Porte de Hal en Bruxelas era o punto de partida das peregrinacións xacobeas desta cidade.

A obra complétase cunha placa en pedra que leva inscrito o seguinte texto en galego, francés, español e holandés: "Esta escultura, antergo símbolo solar adicada ao peregrino anónimo, que foi doada pola Xunta de Galicia e erixida no punto de encontro e de saída dos peregrinos cara a Santiago de Compostela".