Vieiros

O estado da muller agredida non reviste gravidade e, se atopa no seu domicilio, un piso de acollida de mulleres tutelado polo concello, cos seus fillos. O suceso tivo lugar onte e a agredida foi nun primeiro momento trasladada ó Hospital do Meixoeiro onde foi dada de alta. Pola súa banda, a garda civil, informou de que o presunto agresor pasou a disposición xudicial. No momento de producirse o arresto, os axentes incautaronlle a arma branca que foi empregada na agresión. A víctima xa tiña presentado con anterioridade varias denuncias contra seu ex-esposo por ameazala e agredila, polo que lle foi outorgada protección policial para desprazarse entre os dous centros de traballo onde estaba empregada. A concelleira da muller, denunciou que esta protección non se lle facilitara na vivenda xa que, nin o xuíz nin o fiscal consideraron que existiran suficientes probas de acoso e de intentos de agresión do seu ex-marido. Por elo, a Secretaría da Muller de CCOO, solicitou onte ás autoridades e organismos competentes, a protección necesaria para as mulleres que sofren danos físicos e psíquicos por parte dos seus ex-compañeiros. Tamén, a vocalía da Muller da Federación de Asociacións Veciñais, as Vocalías da Muller da Federación de Asociacións Veciñais "Eduardo Chao" e outros colectivos, realizaron onte unha concentración na cidade para denunciar o suceso e pedir que se paren os malos tratos.