Vieiros

"Baixo a premisa agora tócanos a nós, rachouse a orde anterior, e iso non foi perdoado polos prexudicados, que militando nun determinado partido político, non precisamente por un iedal, senón polo interese económico, dixeron ou xogamos todos ou racha a baralla e se para iso tén que arder Galiza, que arda". Desde a Asociación Independente da Garda Civil consideran que desde esta perspectiva debera investigarse moi especialmente e prognostican que os investigadores baterán coas resistencias "para conseguir que naquelas vilas onde grupos influíntes tiveron poder e aínda teñen, vaian cedendo diante do acoso dos axentes e a colaboración doutros grupos de poder".

Segundo a análise deste colectivo de axentes, "a estabilidade política e económica rachou neste primeiro ano de cambio de goberno e iso é responsabilidade dos dous bloques que reparten o poder na comunidade, e é obriga de todos restablecer esa orde". Nesa liña, apuntan que será responsabilidade da Garda Civil, "desvelar ese entramado e deter a todos os responsábeis, independentemente do grao de autoría e participación nos feitos que tiveran, e incluso aos que calan e encobren".