Vieiros

Conforme os datos facilitados pola Consellaría de Medio Rural, un 24% dos incendios que se producen en Galiza comezan de noite, entre a medianoite e as oito de mañá. Ademais, un 12% máis inícianse entre as oito e o mediodía, e un 14% entre as oito da tarde e a medianoite. Deste xeito, unicamente a metade dos lumes terían orixe nas horas quentes do día, entre o mediodía e as oito da tarde. Con todo, como a maior parte destes datos se ofrecen referidos ás 16:00, probabelmente esta porcentaxe de incendios de día sexa aínda menor pois boa parte dos que se prenden á noite pero se extinguen antes da tarde seguinte non se rexistran neste cómputo.