Edición xeral
Roteiro en defensa do cabo Touriñán
Encadrado na campaña S.O.S. Touriñán, a Adega, a FEG e a Plataforma Burla Negra organiza un roteiro reivindicativo polo cabo Touriñán este domingo 23 de abril. A xornada ten un claro obxectivo que é o de frear a construcción da maior piscifactoria do mundo neste senlleiro espazo, unha das paisaxes máis fermosas e millor conservadas de Europa, LIC (Lugar de Interese Comunitario) e parte da Rede Natura 2000. O cabo pode converterse nun polígono industrial se, como proxectou o anterior goberno no Plano Sectorial de Parques de Tecnoloxía Alimentaria, se constrúe a piscifactoría cunha superficie de máis de 300.000 m2.
Segundo os organizadores do roteiro, con respecto á indefensión dos actuais LICs e espazos da Rede Natura 2000, a actual Consellería de Medio Ambiente tén facilitado que o Sr. Alvárez Cascos poidera conquerir do Xulgado a paralización cautelar das obras da piscifactoría que está a construir sobre o LIC de As Catedrais en Rinlo (Ribadeo). S.O.S. Touriñán cre que este é un moi mal precedente, "por máis promesas que temos escoitado". Esta piscifactoría, ao igual que a de Rinlo, conta coa declaración de impacto ambiental favorable e con proxecto sectorial tamén aprobado no último Consello da Xunta presidido por D. Manuel Fraga.
O roteiro comezará en Frixe (Muxía) e rematará no cabo Touriñán, visitando durante a xornada os lugares máis representaivos da Costa da Morte co fin de xuntar todas as voces en contra da construcción da piscifactoría por parte de Pescanova. Máis información sobre o roteiro en S.O.S. Touriñán.
Ligazóns
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto