Edición xeral
A superficie queimada en Galicia este ano é un terzo da total do Estado
Galicia contabilizou 10.526 incendios no que vai de ano, que arrasaron 21.014 hectáreas de superficie arborada e 27.823 de rasa. Concentrouse case un terzo do total de hectáreas queimadas en España e a metade da superficie calcinada na zona norte do Estado.
Os datos do Ministerio de Medio Ambiente recollen que de xaneiro a setembro arderon en Galicia 48.838 hectáreas, dun total das 153.285 hectáreas de superficie forestal queimadas en España, o que supón un aumento do 26,5% con respecto ao exercicio de 2004.
Por provincias, Ourense é a que perdeu máis terreo a mans do lume, con 24.244 hectáreas, que duplican a extensión devastada en Pontevedra, con 13.828, e triplican a da Coruña, con 8.536, mentres que en Lugo se queimaron 2.228 hectáreas.
En Galicia, o listón do ano 2000 no que se bateron as marcas de superficie queimada en España, está xa superado e lóitase por non alcanzar a marca de 1989, na que as chamas destruíron a vexetación de 72.000 hectáreas. En 2000 foron 46.000 as hectáreas queimadas en Galicia.
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto