Vieiros

O representante da plataforma cidadá mostrouse "escéptico" ante os traballos da comisión porque, segundo el, é "incomprensíbel" que non comparezan os representantes da administración do estado durante a catástrofe nin o propio presidente da Xunta, sobre todo "despois de desvelar amargamente a falta de apoio do goberno central" na crise do Prestige.

Villar recoñeceu que o secretario xeral do PPdeG, Xesús palmou, mantivo conversas coa plataforma para participar na manifestación do 1 de decembro de 2002. Para Villar, as condicións que formulou o PP para asistir á manifestación eran inaceptábeis para Nunca Máis; entre elas, ter un "cortexo propio" dentro da manifestación, "ao que se lle contestou que non había graos entre os manifestantes". O segundo punto de desacordo foi o manifesto que se leu tras a manifestación, onde ademais de pedir solucións demandábanse responsabilidades. "Se a día de hoxe non as asumiron, o 1 de decembro de 2002 moito menos", engadiu Villar.