Vieiros

Na opinión de Burguer, "é preciso un acordo de Estados, sociedade e pobos indíxenas" cara o deseño dun contorno xurídico que consolide "ese novo vencello e modo de relación". Por ese camiño, asegura, "os indíxenas poderán compartir a visión do mundo e os gobernos á par que as responsabilidades".

Ao tempo que se cumpre o que a ONU denominou a Década dos Pobos Indíxenas, entre 1995 e o 2004, período no cal se creou o Foro Permanente dos Pobos Indíxenas e está en preparación a Declaración Universal dos Dereitos Humanos dos Pobos Indíxenas, o Fórum das Culturas acolle en Barcelona estes días diversas actividades coas que quere darlle voz a estes pobos.

As Nacións Unidas convocan cada 9 de agosto o Día Internacional dos Pobos Indíxenas: trescentos millóns de persoas, un 5% da poboación mundial repartida en máis dun cento de estados, sistematicamente marxinados e privados dos seus dereitos, cando non directamente exterminados fronte á pasividade das administracións.