Vieiros

Os datos do Observatorio Xove da Vivenda do Consello da Xuventude referidos ao último trimestre do ano 2003 amosan que en Galiza é teoricamente máis accesíbel o acceso dos mozos a unha vivenda en canto á porcentaxe do soldo que deberían destinarlle.

Malia iso, a comunidade galega aparece nos últimos postos en canto a número de mozos emancipados e só 29 de cada cen deixaron o fogar de seus pais. O Observatorio subliña neste punto que as deificultades para emanciparse dos mozos galegos teñen orixe no mercado laboral: a taxa de paro entre os novos é a terceira máis alta do Estado, e á vez, entre os que conseguen un traballo, a taxa de temporalidade está tamén moi por riba da media. Ao respecto, o informe do Consello da Xuventude apunta que aínda cando no último trimestre se reduciu o número de contratos temporais, tamén diminuiu a ocupación e a contratación indefinida e o paro entre os mozos galegos aumentou un 7,8% nese período.