Vieiros

SANTIAGO DE COMPOSTELA, 1 (EUROPA PRESS)

Urxencias Sanitarias de Galicia-061 asistiu durante a fin de semana a un total de 60 persoas debido a 45 accidentes de tráfico acontecidos nas estradas galegas, das que unha faleceu no lugar do sinistro.

A Central de Coordinación recibiu entre as 15.00 horas do venres e a pasada media noite un total de 63 chamadas en relación con accidentes de tráfico. O maior número de atencións por accidentes foi o sábado e domingo, con 16 en cada caso, segundo informou hoxe o 061.

Os recursos sanitarios mobilizados polo 061 ascenderon a 59. Así, as UVI móbiles saíron nunha ocasión; as ambulancias asistenciais, en 52; as concertadas, unha; e os médicos de Atención Primaria prestaron asistencia en cinco sinistros.