Vieiros

Vieiros de meu Perfil


Australia parte como favorita na copa do mundo de críquet

Comeza o mundial do deporte máis elegante

Este martes os ollos de medio planeta estarán pousados no que suceda nas pequenas illas caribeñas de fala inglesa, aínda que aos galegos e ás galegas non se lles acorde neste momento pensar por que. Alí comeza o mundial de críquet, un deporte que move masas en países tan distintos como a India, Paquistán, Australia, San Cristovo ou Inglaterra, e que terá (disque) uns dous mil millóns de telespectadores en 200 países.

Xabier Cid - 13:00 12/03/2007

Os ollos de medio planeta estarán pousados no que suceda nas pequenas illas caribeñas de fala inglesa, aínda que aos galegos e ás galegas non se lles acorde neste momento pensar por que. Alí comeza o mundial de críquet, un espectáculo que terá (disque) uns dous mil millóns de telespectadores en 200 países.

Que é o críquet?

Non, o críquet non é o cróquet (o que xogaba a raíña de corazóns de Alicia) e tampouco é o béisbol, aínda que se lle imita ben. De feito, dicirlle a un estadounidense ou a un venezuelano que o críquet é un béisbol civilizado quizais non lle pareza correcto, pero é como mellor poderiamos definilo: os dous consisten en tratar de petarlle a unha bóla cun pau, e en atrapar a bóla batida antes de que caia ao chan mentres que os contrincantes completan carreiras sobre a pista. Pero no críquet os partidos duran seis horas, os xogadores visten de branco, levan menos proteccións, e a bóla arrebólase contra o chan e non directamente contra o golpeador. E ademais, hai que parar a cada pouco para tomar o té.

Como gran peculiaridade, detrás do golpeador (que bate na bóla cunha pá lixeiramente curva), colócanse uns pauíños en equilibrio que, dependendo de quen os derrube e como, poden acelerar a vitoria. E iso resulta importante en encontros que chegan ás seis horas de duración. O críquet é un deporte claramente de verán, que se xoga en xuño en Inglaterra, en decembro en Australia e Sudáfrica e no Caribe e na India todo o tempo.

O mundial das Indias Occidentais

A longa duración dos encontros é a responsábel de que os mundiais da especialidade, que se celebran a cada catro anos, duren máis de seis semanas de competición continuada. Nesta edición de 2007 o partido inaugural terá lugar en Kingston, a capital xamaicana, e desputarano Paquistán e a peculiar selección organizadora: as Indias Occidentais. As pequenas nacións de San Cristovo e Nevis, Trindade e Tobago, Santa Lucía, Antiga e Barbuda, Güiana, Barbados, Granada e Xamaica, reunidas nesta denominación dende 1928, acollerán todos os encontros do campionato.

Pero non é esta a única agrupación nacional curiosa, porque en críquet as dúas metades de Irlanda (a do Norte e a República do sur) compiten baixo unha mesma bandeira dende 1855. E, por suposto, Inglaterra e a cinsenta Escocia (cinsenta cando menos no críquet) estarán tamén presentes no mundial de 2007 como seleccións de seu.

Australia, a gran favorita

A priori, quen parte en mellor situación para revalidar o título é Australia, a única selección que levou en tres ocasións para a casa a Copa Mundial de críquet. Terá que ter coidado coa República de Sudáfrica, coa que precisamente se enfrontará na fase previa, pois é a selección que chega cun mellor resultado neste ano. Os australianos veñen de esmagar a Inglaterra nun longo test que durou todo xaneiro. Os outros cabezas de grupo serán Sri Lanka, Nova Celandia e Paquistán.

Para saber a solución teremos que agardar bastante: ata o 28 de abril non saberemos se os australianos comandados por Ricky Ponting puideron conquistar o título de campións mundiais de críquet sobre o elíptico céspede de Bridgetown, en Barbados. E sempre nos quedará o satélite.

Novas relacionadas

O Seis Nacións marcha ao continente

O ano pasado levouno Gales, e en 2006 o torneo máis carismático do rugbi internacional, o Seis Nacións, foi parar ás arcas galas. Os franceses debían...

Arrinca o Seis Nacións

Gales, Escocia, Inglaterra, Francia, Italia e Irlanda. Esas son as seis nacións que desputan o torneo de rugbi máis importante do hemisferio norte, e...

O País de Gales gaña o Seis Nacións de rugbi

O torneo internacional máis importante de rugbi do hemisferio norte, o Seis Nacións, foi parar ao pequeno País de Gales logo de once anos. Coa súa...

A volta

O mundial terá (disque) uns dous mil millóns de telespectadores en 200 países.

A volta

A longa duración dos encontros é a responsábel de que os mundiais da especialidade, que se celebran a cada catro anos, duren máis de seis semanas de competición continuada.

A volta

A priori, quen parte en mellor situación para revalidar o título é Australia, a única selección que levou en tres ocasións para a casa a Copa Mundial de críquet.

5/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: