Vieiros

O pasado xoves 26 de Febreiro debatiuse no Parlamento de Galiza unha proposición do BNG a respeito da necesidade de elaborar un Plan de Emprego Xuvenil Galego á vista do fracaso (ou inexisténcia) das políticas activas de emprego destinadas á mocidade. A resposta por parte do PP foi a esperada: a evolución do emprego entre a mocidade é satisfactoria, o paro diminue e a Xunta xa ten en marcha unhas políticas axeitadas(¿?).

Resulta obvio que defender o que obxectivamente está ben feito é lóxico e coerente, mais defender o que a todas luces non funciona ben é, por calificalo de xeito suave, un exercio de mera autocomplacencia e de miopia política. O problema reside en que esta miopía distorsiona as posibilidades e o futuro de moitos mozos e mozas, porque detrás das cifras están persoas de carne e óso.

Desde o BNG estamos convencidos de que a esta situación se pode correxir sempre que exista vontade política, mais isto pasa por recoñecer que o problema existe. A Xunta e o PP pésalle mais recoñer o seu fracaso que os problemas de moitas e moitos galegos, prefiren pasar rodillo parlamentar e deixar que as cousas sigan tal e como están. O acceso a un traballo digno é un direito fundamental, e como tal, a mocidade galega non pode estar privada del.