Blog
O Grupo Progreso xunta as súas publicacións baixo o portal Galiciae
O que nos últimos meses fora Xeración Web, o espazo na rede que servía de punto de encontro para todos os contidos xerados polo Grupo Progreso, convértese agora en Galiciae.com.
O grupo lugués revisa a súa estratexia na web e desde agora os contidos dos seus xornais El Progreso e Diario de Pontevedra quedan baixo o formato de Galiciae, aínda que manteñen os formatos vellos as webs De Luns a Venres e AGN.
Mágoa que de xeito paralelo ao cambio de deseño, a aposta inclúa o cambio da lingua escollida. Se Xeración publicaba exclusivamente en galego, Galiciae opta polo castelán.
Como se di en éuscaro "polo pelo dun carneiro"?
Buscamos tradutor para coñecer desta curiosice vieiresca que chegou a terras vascas.
As chuvias son chegadas
Xa están aquí. En Compostela, queremos dicir. Porque, tal e como nos lembrou hai pouco unha (amábel) lectora: "hai vida máis alá da capital". E na Mariña -por exemplo- levan -polo menos- dúas semanas con augas.
Dende a compostelá Rúa do Pombal, 43-soto alá vai (dentro da nova) un pequeno agasallo para todos os galegos e para todas as galegas, de todos os concellos de todas as bisbarras; celebremos que na capital do Reino as chuvias son chegadas.
A vida viaxa sobre rodas
Dende Allariz, Jonatan Rivas Pérez déixanos a súa opinión sobre a situación do transporte en Galiza.
Violencia gratis nos informativos?
Parece que os medios se recrearon demais nas imaxes onde un rapaz lle dá unha malleira a outro, reproducindo unha e outra vez o vídeo nos informativos.
A Xunta de Goberno do Colexio Profesional de Xornalistas de Galicia enviou un comunicado ao respecto:
"A Xunta de Goberno do Colexio Profesional de Xornalistas de Galicia (CPXG) quere amosar públicamente a súa preocupación pola difusión de imaxes nos medios como a que esta semana recolleu unha paliza a un rapaz de Boiro.
A naturaza do caso, no que están implicados menores de idade, a brutalidade dos feitos e a circunstancia de que a gravación se levara a cabo coa vontade deliberada de darlle difusión, son argumentos máis que suficientes para abrir una reflexión sobre este asunto.
Por esta razón, o CPXG decidiu encargar ó seu Observatorio Galego dos Medios (OM) a elaboración dun informe sobre este asunto a partir do cal facer unha reflexión sobre como debe o xornalismo encarar esta clase de fenómenos".
Terapia cómica para o país
Non perdan: xa en PDF: O Pasquim, suplemento de humor do xornal Novas de Galiza.
E Cristina acordouse de Emilio
Desde o gabinete do PSOE en Arxentina chega noticia de que "a flamante presidenta electa" referenciou o presidente da Xunta na súa primeira entrevista televisiva despois da vitoria nas presidenciais.
Foi durante o programa "Desde el Llano", cando preguntada polo xornalista sobre a súa estratexia fronte ao consumo de drogas, Cristina Kírchner comentou que durante a súa recente entrevista co presidente da Xunta, Emilio Pérez Touriño, este explicáralle a experiencia de Galiza "no tratamento destes temas, fundamentalmente en como se logrou involucrar a familia e a sociedade na loita frontal contra este flaxelo".
Un tema "potentísimo"
Comisión de "tasca"
Remexía na cadeira o deputado Ruiz Rivas, respectado orador parlamentario do PPdeG, mentres á súa beira o señor Ignacio López Chaves improvisaba unha galería de despropósitos na súa intervención deste luns durante a Comisión de Investigación sobre a Cidade da Cultura. Levaba consumido case que a totalidade do seu tempo o deputado Chaves e aínda non comezara a falar do tema que citaba aos deputados unha vez máis este luns: a Cidade da Cultura. Non se lle vía cómodo a Ruíz Rivas coa desbaratado discurso do seu compañeiro, que mesturaba referencias a Marx, Lenin e os estatutos da UPG, con presuntos extremismos argallados para a "exterminación do contrario". Non foi a primeira vez, e outras xa divertira ao persoal empatando o Bloque con Herri Batasuna e outras peras con cebolas. "Isto parece unha tasca", dicía Chaves, mentres paradoxalmente o seu discurso non axudaba a que parecese un Parlamento de verdade.
Non o criticaremos desta volta, a López Chaves, por non facer o esforzo de falar en galego na Cámara de representación do pobo galego. Outras veces ten sido criticado polos seus problemas co galego, pero malia todo, sería bo que seguise practicando. Este luns optou directamente polo castelán. Pouca ganancia lle está rendendo ao PPdeG a comisión que no seu momento desafíaron a crear aos seus rivais parlamentarios. E menos ganancia tirarán se seguen optando porque sexan parlamentarios así os que asuman o protagonismo. Baixo deixan o listón.
Do Gaiás a Vilalba, recordos de Fraga
Especulábase en tempos de gobernos Fraga polas terras galaicas, con que á obra do Gaiás seríalle concedido o nome do seu "inspirador divino". Xa que logo, os letreiros composteláns levarían cara á chamada "Cidade da Cultura Manuel Fraga".
A inesperada derrota deixou coas gañas os cuarteis populares que, malia inxección económica de última hora para deixarlle lastrado o orzamento ao goberno entrante, non puideron deixar bautizado o xigantón meniño do Gaiás. Por iso, o ex presidente terá que conformarse con exabruptos de última hora.
Pero se non hai unha "Cidade da Cultura Manuel Fraga", si hai pola contra unha "Cidade Cultural Manuel Fraga". Ocupa o contorno dos centros escolares e a biblioteca municipal da vila natal do ex presidente, en Vilalba.
Flickr
Del.icio.us
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto