Vieiros

No Estado brasileiro do Espírito Santo estase a desenvolver un proxecto innovador que ten como obxectivo traballar as relacións persoais e o equilibrio emocional da Policia Militar. Lévase a cabo no Mosteiro budista Morro da Vargem, en Ibiraçu, a base de adestramento zen.

Os axentes conviven no templo co silencio e realizan actividades como meditación, tai chi chuan, cerámica e ikebana. Mais non é unha iniciativa exclusiva para as forzas de seguridade, segundo informa O Globo.

Tamén no Espírito Santo, mulleres de comunidades de baixa renda son capacitadas en mediación de conflitos e desempeñan un papel determinante na solución de problemas entre moradores. É o proxecto Mulheres da Paz, que ofrece unha bolsa-auxilio ás participantes, garantindo xeración de renda e axudando a mellorar a vida en comunidade.