Vieiros

Vieiros de meu Perfil


Edición xeral

RSS de Edición xeral
A CRISE: CAUSAS, SOLUCIÓNS E FUTURO

Francisco Rodríguez: 'Ou hai unha conciencia social ou imos ter que aceptar a subordinación do capital'

"É necesario dar unha resposta colectiva e de orientación social a esta crise dende un pensamento contrario á desigualdade"

Redacción - 11:00 26/05/2010

FRANCISCO RODRÍGUEZ.- É secretario xeral da Unión do Povo Galego (UPG) e membro do Consello nacional do BNG e da súa Executiva. Foi elixido deputado no Parlamento en 1993 polo BNG e deputado no Congreso dos Deputados dende 1996 até 2008.

a) Por que temos a actual situación de crise?
As causas son fundamentalmente catro: o capitalismo financeiro descontrolado e puramente especulativo; a globalización de macroespacios económicos desiguais que fomentan a desigualdade entre os países; a inexistencia de estrutura produtiva en moitos países; e a inexistencia de control político e soberanía dos pobos periféricos.

b) Cales poden ser as solucións?
Primeiro é fundamental saber que non é verdade que a crise se debe a que gastamos máis do que tiñamos, o déficit non ven polos gastos do Estado, senón pola especulación dos intereses privados. É a débeda privada a que agora imos ter que sufragar, non a pública. A única alternativa virá da man de catro vías: a recuperación da soberanía nacional dos pobos; a potenciación da iniciativa industrial e agraria propias; o control do capital financeiro; e a reforma da Unión Europea existente.

c) Cal cre que será o futuro?
Ou hai unha conciencia social ou imos ter que aceptar a subordinación do capital, empobrecéndonos cada vez máis. É necesario dar unha resposta colectiva e de orientación social a esta crise dende un pensamento contrario á desigualdade. Do contrario, isto será como o peixe que se morde a cola e a situación económica, lonxe de iniciar a recuperación, desenvolverase aínda máis.


3,86/5 (28 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: