Vieiros

Vieiros de meu Perfil


Máis Alá

Xestionado por Vieiros
RSS de Máis Alá
ACTO SIMBÓLICO

Cerceda independízase da SGAE

Durante a fin de semana o municipio foi escenario dunha xornada contra o canon e a prol da cultura libre.

Redacción - 12:49 23/05/2010
Tags: Cerceda SGAE

Dende esta fin de semana, a SGAE ten un concello que xa lle pechou simbolicamente as portas. O Festival de Rock que se celebra neste municipio e que organiza a asociación local Lucerna converteuse nunha reivindicación da cultura libre. Nun ambiente festivo leuse o manifesto polo que se declaraba Cerceda “100% libre da SGAE”.

O núcleo central da xornada do sábado estivo centrado nunha mesa de debate sobre “Bens culturais de uso común”, na que participaron a xornalista María Yáñez; Francisco Alvarellos e Xaquín Riera (socios da Casa de Música); Uxío Broullón (creador da plataforma commonsbaby.com); Samuel L. Paris, autor do libro de poemas Manual da destrución, editado baixo licenza creative commons; o cantautor Leo i Arremecághona, que distribúe o seu traballo con licenza libre; e o cercedense Martín Loureiro, membro do grupo Machina.

A festa rematou cun concerto protagonizado por 12 Labirinto, Nao, Fracasados de Antemano, O Leo i Arremecághona e Selectah in Helicopta +Gendebeat. Unha das curiosidades da xornada é que os bares da vila só pincharon ao longo do día música libre de dereitos de autor.


4,56/5 (18 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: