Vieiros

Vieiros de meu Perfil


Edición xeral

RSS de Edición xeral
ESTREA MUNDIAL EN COMPOSTELA

Lamatumbá pon en órbita o seu novo traballo: Logo chega o día!

O cosmocamaleón lamatumbeiro recalará na noite do xoves en Santiago para presentar o segundo disco da banda ourensá.

Redacción - 10:32 20/05/2010

Logo chega o día! Ese é o nome do primeiro single do novo disco de Lamatumbá, “A Órbita da Banda Hipnótica”. E chegar... chegou o día da súa estrea mundial: será este xoves en Compostela, na sala Capitol. Xa o adiantaban as murmuracións: o novo álbum dos ourensáns ten un lagarto pintado e cando a Carolina move o rabo... o lagarto ponse en órbita! A orbita comezou, a nave despegou e promete unha xira ben completa.

Segundo adiantan os músicos ourensáns, a presentación do disco será unha celebración por todo o grande, na que haberá discos, camisolas, carteis, festa e, por suposto... sorpresas! A Axencia Espacial Ourensá xa fixo o seu anuncio: o lanzamento está en órbita e o foguete cargado con 15 novas cancións botará fora festa e verbena, mais tamén algún que outro burato negro de carraxe. O novo traballo de Lamatumbá xa está en órbita!

Velaquí as datas xa confirmadas para a súa próxima xira:

  • Concerto de presentación.- Xoves 20 de Maio as 21:30h. SALA CAPITOL - Santiago d.C.
  • ORBITATUR 2010"
Maio
V14 Bar de Fredi - Espasante (Ortigueira)
S15 Festa da Marosa - Burela (Lugo)
D16 Clandestino Bar - A Ramallosa (Nigrán)
X20 Sala Capitol - Santiago d.C.

Xuño
V4 Sala The Star - Carral (A Coruña)
S5 Sala 600 - Melide
S19 FAX Festival - Ourense


Ligazóns

5/5 (5 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Vídeo: primeiro single en órbita: Logo chega o día!

Imaxes: Lamatumbá
Imaxes: Lamatumbá