Vieiros

Dende esta semana, os homosexuais portugueses teñen recoñecido o dereito a casar. Logo de anos de loita contra esta discriminación, este luns á noite, o presidente portugués, Aníbal Cavaco Silva, fixo de tripas corazón e aprobou unha lei coa que non está dacordo pero que foi aprobada pola maioría dos parlamentarios o pasado mes de febreiro. O conservador Cavaco Silva decidiu non vetar a reforma legal xa que, segundo explicou, o Parlamento (onde se aliaron as forzas de esquerda) volvería a aprobala. Cavaco chegou a afirmar que decide non obstaculizar a medida debido á forte crise que vive Portugal e que non recomenda “alongar o debate e desviar a atención”.

A nova lei recoñécelle ás parellas gais os mesmos dereitos cás heterosexuais agás nun importante aspecto: a posibilidade de adoptar crianzas. O debate sobre o matrimonio homosexual produciu un forte enfrontamento dialéctico nos últimos tres anos entre as forzas máis progresistas e os sectores políticos máis conservadores (incluidas instititucións como a Igrexa, que fixo campaña en contra)