Vieiros

Vieiros de meu Perfil


Edición xeral

RSS de Edición xeral
EN PONTEVEDRA

A Garda Civil denuncia a Nós-UP por un delito de difamación

A Fiscalía chamou a declarar a catro das 16 persoas que conforman a Dirección Nacional por difundir un vídeo do xuízo a dous independentistas.

Redacción - 16:40 03/05/2010
Logo de Nós-Up

Logo de Nós-Up

Catro membros da Dirección Nacional de Nós-Unidade Popular foron denunciados pola Garda Civil de Pontevedra por un suposto delito de difamación. Son Alberte Moço, Maurício Castro Lopes, Bruno Lopes Teixeiro e Carlos Morais, quen xa foron chamados a declarar pola Fiscalía para explicar a reprodución dun vídeo na súa páxina web.

“É unha mostra máis da actitude represiva e o acoso permanente contra o independentismo galego”, valora Carlos Morais a decisión da Garda Civil. En concreto, a denuncia versa sobre unha montaxe audiovisual, na que se reproduce o xuízo e condena de dous independentistas na comarca do Condado, que foron acusados por ocasionar danos nunha igrexa de Salvaterra de Miño. “A denuncia non ten sustento ningún”, di Morais, “o auto é público e o vídeo forma parte do auto, polo que non hai ilegalidade ningunha”.

Despois de declarar, dende Nós-Up agardan que a denuncia se arquive sen maiores consecuencias. Con todo, lamentan o que consideran “unha arbitrariedade” na escolla dos catro denunciados, de entre os 16 integrantes da Dirección Nacional, organismo responsábel dos materiais publicados na páxina de internet. Reafirman a “lexitimidade da crítica ás decisións xudiciais” e afirman que “a iniciativa da Garda Civil só responde ao seu afán represivo e á tentativa de dar carta de natureza ao delito de opinión”.


Ligazóns

4,76/5 (17 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: