Vieiros

Vieiros de meu Perfil


Edición xeral

RSS de Edición xeral
Investigación independente

A ONU apunta a Musharraf como responsábel do asasinato de Bhutto

O informe de Nacións Unidas advirte que non houbo vontade do deposto goberno Musharraf de protexer a ex primeira ministra e líder da oposición paquistaní.

Redacción - 09:00 16/04/2010

"Non se tomaron as medidas axeitadas para protexer a Benazir Bhutto dun perigo claro e inminente", expón o informe presentado por Heraldo Muñoz, embaixador chileno e presidente da comisión investigadora de Nacións Unidas sobre o asasinato da ex primeira ministro paquistaní.

A análise da ONU é contundente nas conclusións e malia sinalar que o obxectivo non era levar adiante unha investigación criminal e atopar culpábeis senón botar luz sobre o acontecido, apunta claramente á responsabilidade do daquela presidente de Paquistán, Pervez Musharraf. Para a ONU, o ataque que fixo estoupar un forte paquete explosivo ao final dun mitin de Bhutto pouco despois de que esta volvese do exilio para liderar a oposición, podería terse evitado "se se tivesen adoptado as medidas de seguridade axeitadas". O informe do organismo internacional avisa de que Musharraf era perfectamente consciente das ameazas e riscos que corría a súa rival política e denuncia que non fixo nada para evitalos. Por riba, Muñoz reprocha a posterior investigación oficial, advertindo que fracasou "de xeito deliberado".

Para ampliar:


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: