Vieiros

Vieiros de meu Perfil


Edición xeral

RSS de Edición xeral
SUCESO

Dous feridos graves logo dunha explosión na refinaría da Coruña

Repsol asegura que o acontecido non supón un perigo e di que a incidencia está moi localizada. Os dous operarios foron ingresados nunha unidade de grandes queimados.

Redacción - 12:07 15/04/2010

Arredor das 10.30 horas deste xoves produciuse unha explosión na refinaría da Coruña. Dous obreiros que traballaban na planta de coque resultaron feridos de gravidade e tiveron que ser trasladados a un centro hospitalario onde están a ser atendidos das súas lesións. A compañía Repsol fixo un comunicado pouco despois do suceso no que asegura que o estourido non lle afectou ao resto das instalacións e que en ningún momento se chegou a producir un incendio.

Fontes sindicais da refinaría consultadas por Vieiros coinciden en que a situación está controlada. Os dous traballadores pertencían a unha empresa subcontratada (TMS) e eran soldadores. Os dous permanecen ingresados na unidade de grandes queimados.

A explosión pon no punto de mira unhas instalacións que están a escasos metros de zonas urbanas moi poboadas. A Coruña é a única cidade de Europa atravesada por un gran oleoducto que conecta o o porto coa refinaría de Repsol en Bens. Numerosas asociacións veciñais teñen chamado a atención dende hai anos do perigo potencial que pode supoñer un accidente moi grave tanto no oleoducto coma na propia refinaría.


3/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: