Vieiros

Os comicios rexionais, provinciais e municipais que se desenvolveron en Italia este domingo e luns contaron cunha participación do 65% do electorado, un dato de afluencia que reflicte unha caída de máis de sete puntos con respecto ás cifras das eleccións de 2005.

O Partido Demócrata (PD), principal partido da oposición de Italia, atribuíu a vitoria ao centroesquerda, da que forma parte, nas eleccións rexionais italianas, en base ás primeiras proxeccións da cadea pública de televisión RAI.

Enrico Letta, vicesecretario do PD, atreveuse a dar un resultado de sete rexións para o centroesquerda e catro para a dereita, con dous en clara dúbida: o Piamonte e a disputada Lazio, protagonista nos últimos meses de varios escándalos.

Os 49.862 colexios electorais de Italia pecharon as súas portas ás 15.00 horas. A estes comicios foron chamados a votar 41 millóns de italianos para elixir os presidentes de 13 rexións, de catro provincias e os alcaldes de 462 municipios.