Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
A cen días da cita

Proposta de campaña contra o racismo no Mundial de Fútbol en Suráfrica

Aproveitando a dimensión do evento, Brasil e países africanos achéganlle a iniciativa ao Consello de Dereitos Humanos da ONU.

Redacción - 11:45 03/03/2010
O Mundial de Fútbol ten lugar en Suráfrica do 11 de xuño ao 11 de xullo

O Mundial de Fútbol ten lugar en Suráfrica do 11 de xuño ao 11 de xullo

"Un mundo de deportes libre do racismo e a discriminación" é o lema proposto ao Consello de Dereitos Humanos das Nacións Unidas, para que adopte o lanzamento dunha campaña mundial contra o racismo. Unha campaña que quere aproveitar a repercusión do evento futboleiro que se celebrará en Suráfrica este verán para concienciar a sociedade da necesidade da loita contra o abrollo de actitudes racistas.

"Infelizmente é no fútbol onde moitas veces acontecen estas manifestacións do racismo", recordaba ao respecto o ministro brasileiro Paulo Vannuchi, subliñando o potencial dos deportes para a sensibilización da cidadanía a prol de temas sociais. A proposta foi realizada polo Brasil xunto a outros países africanos durante a sesión anual do consello da ONU sobre dereitos humanos. Os seus promotores agardan que todas as delegacións internacionais lle dean a beizón en breve a esta iniciativa. Unha campaña ademais que aproveitaría a coincidencia da celebración do mundial en Suráfrica, cando apenas se cumpriron dúas décadas despois da abolición do apartheid.


4/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: