Vieiros

Vieiros de meu Perfil


Fwwwrando

RSS de Fwwwrando
Venres e sábado: 'Jornadas informaçom e redes 2.0'

O futuro da infosfera galega, a debate: interacción e (contra)información

O CS Atreu, da Coruña, organiza dúas xornadas de "reflexión en código aberto" sobre formas de ver e facer na rede.

Fernando Arrizado - 13:45 04/02/2010

O Centro Social Atreu, situado no barrio de Montelato da Coruña, será o escenario este venres e sábado das 'Jornadas informaçom e redes 2.0', abertas ao público, e que contarán coa presenza de numerosos colectivos, webs e blogs co fin de "analizar o estado actual da contrainformación e das das ferramentas que favorecen a interacción entre as comunidades e persoas na infosfera galega".

"Moitas preguntas", en palabras dun dos organizadores desta "reflexión en código aberto", Antón Gómez-Reino, Tone, é o bagaxe co que se chega ao encontro, do que se agarda tirar algún tipo de conclusións ante o panorama que se aveciña. Isto é, "que a maré de blogs, portais e espazos contrainformativos e comunicativos conscientes en Redes Socias van ser o elemento central na estratexia comunicativa dun futuro cada vez máis presente".

Ademais, procúrase rachar coa paradoxal "incomunicación" existente -en moitas ocasións- entre os diversos individuos e colectivos que actúan na infosfera do noso país, tanto "a nivel de redes sociais como a nivel comunicativo e contrainformativo", apunta o tamén membro do colectivo FugaEmRede, que aclara que inicialmente plantexan as xornadas como algo "experimental".

O CS Atreu, que conta cun hacklab (zona de tecnoloxía autónoma centrada na promoción do software libre e dos medios alternativos), leva tempo traballando, tamén desde un punto de vista político, nestas cuestións. Por exemplo, coa organización de obradoiros. "Moitos dos debates que temos entre nós, como a participación ou non en determinadas redes sociais como colectivos, deron pé a facer estas xornadas", explica Tone.


Jornada contrainformativa. Venres, 5 (20.30 horas)
- Altermundo
- Indymedia
- Galiza libertaria
- Galiza livre (pendente de confirmar)
- Olholivre
- Vieiros

Jornada de Redes Sociais, web 2.0
. Sábado, 6 (18.00 horas)
- Blogaliza
- Ergosfera
- Universidade Invisíbel
- Sementeira
- Indymedia
- Saramaganta
- CSO Casa das Atochas
- Hacklab Fervesteiro
- Trebelab
- Olholivre
- Manuel M. Barreiro
- hacktreu

*O sábado ás 12.00 horas haberá unha asemblea aberta de Indymedia Galiza, e a partir das 22.00 horas unha cea vegana/fin de festa.


4,33/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: