Vieiros

Vieiros de meu Perfil


Galego.org

Xestionado por Vieiros
RSS de Galego.org
O galego no ensino

Xosé Blanco aposta "polo equilibrio, o acordo e o consenso"

Considera que o obxectivo debe ser que a lingua "non sexa un elemento de división e de confrontación" en Galiza.

Redacción - 12:15 23/01/2010
José Blanco

José Blanco

O ministro español de Fomento e vicesecretario xeral do PSOE, José Blanco, valorou este sábado a manifestación do pasado xoves contra o decreto do idioma na educación que prepara a Xunta, "na que se expresaron moitos cidadáns".

Blanco, natural de Palas de Rei (A Ulloa), apostou por "buscar o equilibrio, o acordo e o consenso" co obxectivo de que a lingua "non sexa un elemento de división e de confrontación" en Galiza.

Logo de manifestar un "profundo respecto institucional" polo Goberno galego, Blanco incidiu en que "sempre" é "partidario do consenso e do entendemento", así como "de buscar puntos de encontro e de non utilizar un tema tan importante como son as linguas" no debate político.

"Debemos de estar moi orgullosos de ter dúas linguas que son o galego e o castelán, o castelán e o galego", recalcou o titular de Fomento, logo de asistir á presentación dun conxunto de mapas cartográficos sobre o Camiño de Santiago na capital do país.

En todo caso, reiterou o seu respecto polos "asuntos do Goberno de Galiza" e rexeitou pronunciarse "sobre o que ten que facer". "O único que desexo é que acerte, porque é positivo para Galiza que non exista confrontación arredor de algo que debe unirnos e que non debe separarnos", concluíu.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: