Vieiros

Salustiano Mato, catedrático de Zooloxía na Universidade Vigo, é dende este luns o candidato oficial de Alternativa Universitaria ao reitorado. Os membros desta asociación celebraron unha asemblea elixiron por votación unánime a Mato logo dun proceso no que en principio tamén se candidataron os vicerreitores Carme García Mateo, Xosé Cidrás e a catedrática de Análise Matemático Margarida Estévez.

Mato ten previsto presentar publicamente a súa candidatura este martes. O candidato ocupou a dirección xeral de I+D+i (dependente da Consellaría de Industria) durante o goberno bipartito da Xunta. Polo de agora o seu único rival na loita polo reitorado é Jaime Cabeza, catedrático de Dereito do Traballo.